بالكويت كل بزنس ناجح يعرف إن إعلانات الطرق مو بس للبراندات الكبيرة حتى المحلات الصغيره والمشاريع المنزلية والورش تقدر تطلع قدام الناس وتزيد مبيعاتها إذا اختارت المكان والزمن الصح للإعلان.

إعلانات الشارع بالكويت

الإعل يخلي الناس تشوف اسمك كل يوم، عالدوار، بالدوام، بالزحمة، ومع التكرار، يصير إسمك مألوف. بس مشكلته الوحيدة؟ إنك لازم تختار عدل، عشان ما تضيع فلوسك.

وإحنا هنا دورنا نخدمك كـوسيط اعلاني نوصلّك بوكالات الإعلانات الكبرى بالكويت ونجيبلك أفضل الأسعار والعروض الخاصة لعملائنا تبي إعلان كبير؟ شاشة LED؟ إعلان على باصات النقل؟ إحنا نعرف السوق ونعرف شنو يخدمك.

أنواع إعلانات الطرق بالكويت وأسعارها التقريبية

كل نوع له طريقة تأثير، وسعره يتغيّر حسب الموقع، الموسم، ومدة الحملة:

• اللوحات الثابتة (Billboards):

لوحات جبيرة وثابتة، موجودة على الدواوير والطرق السريعة، توصل رسالة واضحة
السعر يبدأ من 2000 دينار شهريًا

• شاشات LED الرقمية:

إعلانك يتحرك ويتغير حسب الوقت، فعّال للماركات والعروض
السعر يبدأ من 2500 دينار شهريًا

• إعلانات الجسور والدوارات:

تمر عليها آلاف السيارات يوميًا، وتناسب الرسائل السريعة
السعر يبدأ من 1800 دينار شهريًا

• الإعلانات على الباصات والتكاسي:

إعلانك يمشي بكل شارع، يخدم البراندات اللي تبي انتشار والسعر يبدأ من 1500 دينار شهريًا

• إعلانات 3D المجسمة:

تبهر الناس، وتخليهم يتصورونها وينشروها، مثالي للانطلاقة والسعر يبدأ من 3000 دينار شهريا.

• الإعلانات على أعمدة الإنارة:

منخفضة التكلفة، تغطّي الشوارع الداخلية والسكنية، السعر يبدأ من 1200 دينار شهريا.

وهنا نقدر نرشح لك النوع المناسب حسب نشاطك ونسعره لك خصم خاص وتغطيه لكل الكويت – أي منطقة تبيها إحنا موجودين فيها:

العاصمة، حولي، الأحمدي، الفروانية، الجهراء، مبارك،الكبير.

اقراء المزيد في » أنواع إعلانات الشوارع

إحنا نوصلك بالوكالة الأنسب حسب موقعك، جمهورك، ونوع الخدمة أو المنتج اللي تقدمه.

متى تعلن؟ وكيف تختار؟

• اختار الموسم الصح المعروف ان الإعلانات تكلف أكثر برمضان، الصيف، والمواسم الشرائية. لكن التأثير بيكون أقوى.

• مدة الإعلان المثالية أقل شيء شهر، لكن حملات 3 شهور تعطي نتائج أوضح.

• اختار تحط إعلانك في مناطق مرور عالي مثل الدائري الخامس، السادس، شارع الخليج، ومحيط المجمعات التجارية ومت الي ذلك.

• كم تتوقع مردود؟ بعض البراندات بالكويت صارت مشهورة بس من إعلانات الطرق، العائد كبير إذا كانت الرسالة واضحة والموقع مضبوط.

أخطاء لا تسويها!

1. لا تختار موقع عشوائي بدون دراسة
2. لا تعلن بدون تصميم محترف يشد الانتباه
3. لا تكرر نفس الإعلان لو ما جاب نتيجة، غيّر رسالتك
4. لا تعتمد على وكالة وحدة، خذ رأينا أول، إحنا نرشح لك ونخدمك.

إذا جاهز تبدأ حملتك أو حاير شنو تختار، كلمنا على طول إحنا في الخدمة ونختار لك العرض اللي يرفع شغلك بأفضل تكلفة.